الحلقه السابعه عشر.. 
نزل محمد من على السلم ودخل الي الشرفه ليري فتاه تعطي لمحمد ظهرها
محمد : احم اهلا وسهلا
التفت روضه ليقابل وجهها وجهه
محمد بلهفه وقد انقبض قلبه وكاد ان يخرج من قفصه الصدري وهو ينطق بشغف : رووووضه
ركضت روضه باتجاه محمد واحتضنته بقوه وتعلقت برقبته
روضه ببكاء شديد وهي تضرب محمد على ظهره بيدها الصغيره عدة ضربات خفيفه : سبتني ليه في اكتر وقت كنت محتاجالك فيه، سبتني ليه خمس سنين بتعزب من غيرك، سبتني ليه وانا بموت في اليوم ميت مره وانت بعيد عني، سبتني لييييييه لييييه، ليه مقلتليش انك بتحبني وانا كنت سبت كل الدنيا علشانك، ليه اعرف بحبك ليا في وقت متأخر بعد متسافر ومن حد غيرك، ليه بعدت عن كل اهلك وأصحابك بسببي انا عندي اسأله كتير قوي نفسي تجاوبني عليها
محمد لم يمد يده ليحتضنها فظلت يده خلفه واكتفي بالبكاء فقط والتفكير في ان روضه قد عرفت بحبه بعد فوات الأوان، وأن هناك رجل اخر يتملكها الان
ظلت روضه متعلقه بمحمد وهي تبكي حتى هدأت ونزلت من بين احضانه..
جلس محمد وروضه على المنضده
روضه وهي تنظر في موضع قدميها بخجل : انااسفه يامحمد ان مشاعري ساقتني، انا عارفه ان حضنك ده بقى ملك لحد تاني، اسفه بجد
كان ذلك الكلام بمثابه سكين تقطع في قلب محمد وهو لا يريد أن يخبرها بأمر روز لكي لا يستعيد الذكريات مره اخرى وهي الان ملك لرجل اخر
محمد بحزن : ولا يهمك ياروضه، ثم بدأ في تغيير ملامحه بضحكه زائفه : المهم عامله ايه انتي طمنيني عليكي وعلى عمر خلفتو ولا لسه
روضه بعد ان نظرت في عيني محمد بحزن : تؤ انا منحوزتش اصلا
امسكها محمد مسرعاً من يدها وجذبها مسرعاً الي صدره وهو يبكي بكاء هستيري وهو يلف بها ببطء ويضمها الي صدره حتى كاد ان يكسر عظامها بين يديه : بحبك، والله العظيم بحبك، انا كنت بموت وانتي بعيد عني، انا مش مصدق نفسي، مش مصدق ان ربنا جمعني بيكي من تاني وانك كمان مستنياني.. انا كان لازم اعمل كده ياروضه، متفتكريش انك كنتي بتتعزبي لوحدك، في الخمس سنين دول مرحتيش عن بالي يوم ولا ساعه ولا دقيقه ولا ثانيه، كل يوم قبل منام كنت بفتكرك ودموعي تنزل وادعيلك ان ربنا يسعد قلبك ومتشوفيش الوجع اللي انا شفته، عمرك ياروضه متتخيلي احساس الوجع اللي اتوجعته لما شفت تامر بيلبسك خاتم الخطوبه، اكتر لحظه تقتل لما تشوفي الإنسان اللي بتحبيه بين ايدين حد غيرك
روضه ببكاء أغرق كتف محمد : انا اتوجعت قوي في بعدك عني يامحمد، كنت خايفه، قلبي كان ضعيف، انا كلي اصلا كنت هش، انت كنت سندي وأماني وحمايتي، انت كنت ليا كل حاجه، كنت أقربلي من نفسي يامحمد، ليه بعدت وكسرت قلبي، هان عليك روضه، انا دبلت يامحمد من غيرك، دبلت، واحساس انك بتحب حد وشفته بين ايدين حد تاني ده انا حسيته امبارح لما كنت مع روز على المسرح
محمد وهو يضمها بقوه الي صدره ويحرك يده بطبطبه على ظهرها : انا هنا، انا مش هسيبك تاني، انا اسف على كل لحظه سبتك تعيشي فيها بعيد عني، انتي نفسي اللي كنت بتنفسه ياروضه، انا بقالي خمس سنين عايش جسد بس من غير روح، انا جسمي هنا بس قلبي سبته معاكي في مصر، روضه انا اكتر حد كان ضعيف في بعدك عنه، انا اسف ياروضه، كان نفسي تحسي بحبي ليكي بدري شويه قبل مسافر، صدقيني كانت حياتي هتختلف جدا بوجودك في حياتي
روضه بضحكه تملأ وجهها رغم الدموع التي تملأ عينيها : انا زعلانه منك انتا وحش اصلا وانا مخصماك
محمد بعد ان انزلها من بين أحضانه وجلس هو وهي مره اخرى على المنضده وجفف دموعها : معلش حقك عليا، انا عارف اني غلطان والعقوبه اللي تقرريها انا موافق بيها
روضه بحب : ايوه لازم اعاقبك، عقوبتك اني هسجنك جوه قلبي سجن مؤبد مدى الحياه مع الأشغال الشاقه المؤبده انك تدلعني وتعوضيني اللي فات، يعني الهديه تبقى هديتين والخروجه تبقى خروجتين
محمد وهو يتأملها بحب : بس كده دي هتكون أجمل عقوبه في الدنيا، ثم امسك يديها وحشتيني قوي ياروضه
روضه وهي تنظر له بشغف : وانت كمان وحشتني ياقلب روضه، ياعمر روضه، يا اجمل حاجه حصلت في حياة روضه
محمد بعد ان امسك بيدي روضه وقبلها من الداخل : بحبك ياروضه
روضه وهي تتأمله بحب : وانا بعشق كل تفاصيلك ياقلب روضه من جوه
فجأه تغيرت ملامح روضه وبدأت الدموع تسيل من عينيها رغماً عنها بعد ان تداركت الموقف : بس الظاهر اني جيت متأخره يامحمد
محمد بلهفه : ليه ياحبيبتي بتقولي كده بس، انا هنا اهو بتاعك وملك اديكي
روضه ودموعها تسيل على خدها بغذاره : طيب وروز
محمد بعلامات استفهام : روز.! مالها.؟
تفتكر هتكون مبسوطه لما تعرف ان حب جوزها الاولاني رجع لحياته تاني
محمد بسخريه : حب جوزها الاولاني هاهاهاهاها
روضه بغضب : انت بتضحك على ايه يارخم
محمد بعد ان وضع يده على خدها ليمسح دموع عينيها : مش لما يكون متجوز اصلا
روضه بلهفه وكاد قلبها ان يخرج من موضعه : تقصد ايه
محمد : اقصد انك مينفعش انتي تفضلي 5 سنين مستنياني من غير جواز واطلع انا ندل واتجوز، دي حتي تكون النهايه مش حلوه، ولا ايه
روضه بدهشه : محمد تقصد ايه
محمد : اقصد ياستي ان روز مديرة أعمالي وشريكتي بس وحطي تحت بس دي مليون خط
روضه ببكاء : بجد يامحمد
محمد بحب : بجد ياقلب محمد
قفزت روضه الي صدر محمد وضمته بقووه : بحبك ياميدو، والله بحبك، بحبك جداا
محمد بعد ان تنهد بارتياح : وانا كمان بحبك ياروضه
روضه بعد ان رفعت رأسها مسرعه من على صدره بغضب : خد هنا الهانم مش مراتك وانت ماسك ايدها وبتبوسها امبارح دانت مكانش ناقص غير تحضنها
محمد بمزاح : وايه المشكله انا كنت هحضنها فعلا
روضه بغضب : دانا كنت قتلتك وقتلتها
محمد : هههههههه انتي بتغيري عليا
روضه : من نفسي يامحمد، بغير عليك من نفسي، متتخيليش الخمس سنين اللي فاتو دول عدو عليا ازاي، انا حبيتك خمس سنين وانت بعيد عني، كنت كل يوم بجيب صورك وابكي وادعي ان ربنا يرجعك ليا علشان تجبر كسر قلبي، انا استنيتك خمس سنين يامحمد، عارف يعني اي خمس سنين اي نعم انا عرفت ب حبك متأخر بس ربنا عوضني بيك تاني
اخرج محمد قلاده يلبسها في عنقه بها خاتم صغير : وده الخاتم اللي كنت جاي اخطبك بيه ياروضه في اليوم اللي أعلن والدك خطوبتك على تامر، الخاتم ده مفارقنيش دقيقه من وقت ما سبت مصر
أمسكت روضه الخاتم من يد محمد وقرأت اسمها واسم محمد محفورين بداخل الخاتم وضمته الي صدرها وسال بحر من الدموع على خديها
ضمها محمد الي صدره وقبل رأسها : متبكيش ياروضه انا جمبك، وبعدين انا مش قلتلك مش عاوز اشوف دموعك دي غير دموع الفرح وبس
رفعت روضه رأسها من بين أحضان محمد : مهي فعلا دموع فرحه، انا بحبك اوي يامحمد
محمد : وانا والله بعشق تفاصيلك
روضه : بجد يامحمد لسه بتحبني
محمد : انا مش بس بحبك، انا بعشق التراب اللي بتمشي عليه
روضه : يعني مش هتسيبني تاني
محمد : تؤتؤ
احتضنت روضه محمد بقوه : بحبااااااك
محمد بعد ان طبطب على ظهرها وغرق في كتفها وهو يشتم رائحة شعرها : وانا والله العظيم بحبك
بعد ان ابعدها محمد عن احضانه : ها طمنيني على صحابنا جمال وحنان وامنيه وميرنا وعبده، لسه ليكي علاقه بيهم ولا العلاقه انقطعت بينكم بعد الجامعه وتامر سبتيه ازاي وايه اللي حصل خلاكي سبتيه
روضه : لا طبعاً متقطعتش دول اللي طلعت بيهم من الدنيا اصلا انا بكلمهم فيديو دايماً انا وهنا وكل مبنزل مصر بزورهم كلهم وتامر ده حكايته طويله هبقي احكيهالك بعدين ومن ثم أخرجت هاتفها المحمول من شنطة متعلقاتها : بص ياسيدي جمال اتجوز حنان ودي صورة يوم فرحهم، وخلفو ولد سموه محمد علي اسمك ودي صورته، شوف شبهك ازاي
امسك محمد الهاتف وهو يتأمل الطفل بحب : بسم الله ماشاء الله، ايه القمر ده، كان نفسي احضر فرحهم، وكمان اول مولود ليهم اكون اول واحد يشيله، جمال وحشني قوي قوي
ثم اكملت روضه : ان شاء الله هتشوفه قريب، وميرنا اتجوزت عادل وخلفو بنت سموها جولي، طالعه شبه ميرنا بالضبط ودي صورتهم هما التلاته
تأمل محمد الصوره بفرحه شديده : قمر ربنا يخليهالهم
روضه : وامنيه ياسيدي اتجوزت واحد اسمو ضياء مهندس كمبيوتر ولسه مخلفوش ودي صوره ليهم يوم فرحهم
محمد : ربنا يسعدهم
روضه : عبده أتجوز وحده كانت من دفعتنا اسمها نور ودي صوره يوم فرحهم
محمد : اه اعرفها كويس نور بنت محترمه والله يازين ما اختار
روضه : بس ياسيدي
محمد بحزن : كان نفسي احضر كل الافراح دي
روضه بعد ان أمسكت يده وقبضت عليها : ياحبيبي بكره نرجع مصر ونروح نزورهم كلهم وهما اصلا مشتاقينلك وهيصدقو ميشوفوك وهترجع لمتنا من تاني
محمد : وحشوني قوي ياروضه
روضه : وانت كمان والله وحشتهم
قاطعهم دخول روز الي الشرفه
روز : مساء الخير
محمد : يسعد مسائك ياروز شوفي مين هنا
روز بعد ان سلمت على روضه وهي تنظر لها باستغراب : اهلا وسهلا، مش هتعرفنا طيب
محمد : دي روضه
روز بفرحه كبيره : ايه ده بجد ثم احتضنت روضه بقوه
روضه بعد ان بادلت روز نفس الحضن : انتي تعرفيني يا روز
روز : اه طبعا اعرفك، محمد بقالو خمس سنين مفيش غير سيرتك على لسانه، وانا ابقى روز مديره أعمال محمد
روضه وفي عينيها نظرة امتنان لروز : شكرا ياروز
روز : شكرا على ايه
روضه : انك وقفتي جمب محمد ووفرتيله الجو اللي قدر من خلاله يحقق كل احلامه وقدرتي تعوضيه عن غياب اهله
روز بسعاده : انا معملتش حاجه، انتي اللي شكراً انك جيتي لاني اول مره من خمس سنين اشوف محمد مبسوط والضحكه ماليه وشه كده، ثم احتضن الاثنين بعضهم مره اخرى
محمد : هسيبكم انا واطلع اغير هدومي بسرعه لاني عازمكم على الغدا بره
روز : اوك متتاخرش وسيبني انا مع روضه لأني عاوزه اتكلم معاها شويه
محمد : تمام ثم صعد مسرعاً تجاه غرفته
روز : حمدالله على سلامتك ياروضه جيتي امتى
روضه : الله يسلمك ياروز، انا هنا بقالي خمس سنين
روز : ايه ده ازاي
روضه : ياه ده موضوع طويل ابقى احكيهولك بعدين
روز : تمام، عامله ايه مع جوزك
روضه : متجوزتش
روز بفرحه : بجد
روضه : بجد
روز : يعني ايه
روضه : يعني بقالي خمس سنين بدور على الاستاذ اللي فوق ده بعد معرفت من جمال انو كان بيحبني ومخبي عني وانو ساب مصر كمان بسببي لما عرف اني خلاص هتجوز
روز : انا مش فاهمه حاجه
روضه : يعني انا بتاعة محمد، ولو ملقيتوش كنت هموت من غير محد يلمسني
روز والدموع في عينيها : ياااااه هو في ف الدنيا دي حب كده، طيب مفقدتيش الامل طول المده دي
روضه : كنت مؤمنه ان ربنا هيجمعني بيه في يوم من الايام، لان ربنا جمع قلوبنا وخلانا نحب بعض من غير اي مقدمات وربنا حنين على قلوبنا قوي فأكيد ربنا احن علينا من انو يوجع قلوبنا بالفراق
روز والدموع تذرف من عينيها : هو في حب كده بجد انا مش مصدقه لا اللي بشوفه ولا اللي بسمعه
روضه بعد ان ربتت على كتفها : ربنا يرزقك الحبيب اللي ميشوفش بنت غيرك في حياته زي محمد كده
روز بعد ان جففت دموع عينيها : معتقدش ان اللي زي محمد فيه منو تاني
قاطعهم نزول محمد من على السلم
محمد : يلا بينا
روز : يخربيت الاناقه، يابني هيا الشياكه عاوزه منك ايه
محمد : انتي اللي عيونك حلوه ياقلبي
روضه بغضب طفولي : ماجيبلكم اتنين لمون احسن
روز : لا مانجه وحياتك
روضه بغضب : ونبي
الجميع : هههههههههه
روز : انتي بتغيري عليه مني ياروضه
روضه : بغير عليه من نفسي
روز : دا بقاله خمس سنين في حضني، بتاعي انا لوحدي
روضه بعد ان احمر وجهها غضباً : وحيات امك
الجميع : هههههههه
محمد : بس بقى ياروز، روضه بتصدق
روضه : تقصد اي يعني يافندم ان عقلي صغير
محمد : خالص
روضه بغضب : نعم
محمد : اقصد يعني لا خالص
الجميع : هههههههه
روضه : والله انتو رخمين بتضحكو عليا
محمد بعد ان طبق يده لروضه لتتعلق بها وهو ينظر لها بحب : طيب مش يلا بينا بقى
روضه بعد ان أسرعت باتجاهه بفرح وتعلقت بيده كالاطفال : يلا ياحبيبي
روز : هييييييح اوعدنا يارب
محمد : يارب ياحبيبتي
روضه بعد ان ضربته على كتفه : حبيبتك في عينك، انا بس اللي حبيبتك فاهم
محمد : هههههههه فاهم فاهم
توجه الجميع الي السياره ومنها إلى مطعم بالعاصمه باريس وجلسوا على الطاوله المحجوزه باسم محمد وطلبو العشاء
روز : هتنزل مصر امتى بقى
محمد وهو ينظر لروضه بجواره بحب : بعد مودي روضه تقيس فستان فرحها ويجهز
روضه بعد ان نهضت مسرعه من على الطاوله واحتضنته بقوه ودموعها تسيل على خدها : بجد يامحمد انا مش مصدقه نفسي، انتا بتتكلم بجد
محمد بعد ان ضمها الي صدره : بجد ياروضه بجد
روز : ربنا يسعدكم واشوفكم احلي عروسين
محمد : يارب ياروز وعقبالك ياجميلتي
نهضت روضه من على صدره : جميلتك في عينك
محمد : هههههههههه يابنتي اتهدي بقي
روز : انا بقول اقوم اروح
روضه : لالا متروحيش خلاص وانتا لو بصيت كده او كده هخزقلك عنيك فاهم
محمد : فاهم يافندم اي أوامر تاني
روضه : اه ومتقولش لأي حد كلام حلو غيري
محمد : حاضر، تؤمري بحاجه تاني
روضه : ايوه طبعا، بالنسبه لشركة سياتك فيها موظفين بنات
روز : هههههههه 70% يا اوووختي وايه على الفرازه
روضه بغضب : نعم يعني ايه علي الفرازه دي
روز : يعني متنقيين بعنايه
روضه بعد ان وضعت يديها في جنبيها ومدت شفتيها للأمام : ومين بقى اللى منقيهم ان شاء الله
روز : محمد بيه طبعا
نظرت روضه لمحمد بغضب : ماشي يامحمد ماشي، حسابك معايا بعدين، النظام ده مينفعش معايا من بكره الصبح تغير كل الموظفين اللي عندك تخليهم رجاله مفهوم
محمد : مفهوم يافندم
روز : ايه ده طيب وصوفيا
روضه بغضب : ومين صوفيا دي كمان
روز : دي السيكرتيره الخاصه بمكتب محمد بيه بس ايه حتة شوكلاته
روضه : شوكلاته في عينه البعيد
محمد مازحاً : هو مين
روضه : هيكون مين غيرك، ترفدها بكره الصبح
محمد : حااااااضر حاجه تاني مرفدلكش روز بالمره
روضه بعد ان التوت شفتيها كأنه لا يعجبها الكلام : لا روز مينفعش مش هننسي انها شريكتك اولا وانها هيا اللي اهتمت بيك الفتره اللي فاتت دي كلها
روز بضحكه : لا حنينه
روضه : شفتي
محمد : هههههههه مجنونه والله
روز : دانت هيطلع عين امك
محمد : مش لو كانت مجاتش كان احسن
الجميع : هههههههه
روضه : بقى كده يارخم
امسك محمد يدها وقبلها : بهزر معاكي ياحبيبتي ربنا يخليكي ليا
روضه بفرح : ربنا يخليك انت ليا
روز : احم احم اللمون بسرعه ياخوالنا
روضه : مانجه وحياتك
روز : أيه ده بترديهالي يعني
الجميع : هههههههه
روضه : قوليلي بقى انتي بتتكلمي عربي كويس قوي كده ازاي
روز : انا من أصول عربيه، والدي لبناني وامي فرنسيه يعني انا بتكلم اللغه العربيه بطلاقه ومش بس كده انا بتكلم سبع لغات
روضه : ما شاء الله عليكي ربنا يوفقك في حياتك، بس ليه لسه متجوزتيش لحد دلوقتي
روز مازحه : لان فارس أحلامي قلبه مع حد تاني
روضه بغضب : قصدك ايه انتي
محمد : تقصد انها بتحبني انا بس انا بحبك انتي ياقلبي
روضه : وبتقولها في وشي والله شكلي هقتلك واقتلها
الجميع : هههههههه
روز : لا بجد والله لسه ملقيتش الإنسان اللي يفهمني
روضه : ربنا يرزقك بابن الحلال اللي يستاهل قلبك
روز : يارب ياحبيبتي، ها يامحمد هتعمل ايه بقى
محمد : مفيش هودي بكره روضه تقيس فستانها وعبال مفستانها يجهز هكون خلصت شغلي هنا وننزل بقي نعمل الفرح في مصر، لازم اهلي وصحابي كلهم يفرحو معايا
روز : عين العقل ربنا يسعدكم يارب
محمد : ويسعدلي قلبك يارب
وانتهت الليله في سعاده تامه تملأ ارجاء المكان
**،،**************************،،****************
في صباح اليوم التالي استيقظ محمد مبكراً من نومه متوجهاً الي الشركه برفقة روز
محمد : روز اجمعيلي عمال الشركتين بتوعنا وقوليلهم اني عاوزهم في اجتماع مهم
روز : حاضر، على فكره روضه كلمتني وكلها دقايق وتكون هنا
محمد : هنا فين
روز : جايه هنا الشركه
محمد بتنهيده : يا الله على العقل الصغير
روز : ههههه استحملها بقى البنت بتحبك وبتغير عليك
محمد : حاضر، انا داخل مكتبي اخلص شوية اوراق وخلال نص ساعه يكون العمال كلهم في القاعه بتاعة الاجتماعات
روز : حاضر من عيوني
دخل محمد مكتبه وانشغل ببعض الأوراق بينما وصلت روضه الي الشركه واستقبلتها روز في مكتبها
روضه : محمد فين
روز : في مكتبه بيخلص شوية أوراق
روضه : طيب قوليلي مكتبه فين انا هروحله
روز : بلاش ارجوكي محمد طالما بيخلص أوراق مبيحبش حد يخبط حتى على باب المكتب
روضه : ومين قالك انا هخبط انا هدخل ع طول
روز : بلاش
روضه : تعالي بس
روز : حاضر بس انا مش مسؤله عن اللي هيحصل
روضه : ماشي
اتجهت روز وروضه الي مكتب محمد
روز : هو ده مكتبه ادخليله لوحدك بقى
روضه : ايه ده انتي خايفه منه
روز : اه ياختي خايفه منه انتي مشفتيش عصبيته
روضه : هههههههه لا لسه مشفتهاش
روز : طيب ادخلي ياختي وانتي هتشوفيها دلوقتي
تقدمت روضه تجاه المكتب الخاص بمحمد
السيكرتيره الخاصه بمكتب محمد : مين حضرتك يافندم، هو حضرتك اخدتي معاد من محمد بيه
روز : سيبيها ياصوفيا دي روضه هانم خطيبة محمد بيه
صوفيا بدهشه : خطيبته اهلا اهلا روضه هانم اللي ميعرفك يجهلك نورتينا يافندم اتفضلي
” للعلم ان محمد كان كل عمال شركاته عرب او يتحدثون العربيه بطلاقه ”
فتحت روضه الباب الخاص بمكتب محمد دون أن ينتبه محمد لقدومها فهو كان غارق تفكيره وتركيزه بالاوراق التي أمامه
تقدمت روضه حتى وقفت امام المكتب موازيه له
روضه : شكلك مشغول ياكابتن
رفع محمد وجهه باتجاه الصوت القادم بغضب ثم ابتسم لرؤيتة روضه أمامه فنهض من على الكرسي الخاص بمكتبه متوجها نحوها : اهلا اهلا روضه هانم، تعرفي انك اول حد يعملها
روضه : يعمل ايه ان شاء الله
محمد : يدخل عليا من غير استأذان
روضه : انا مش حد ياقلبي
محمد : انتي حياتي ثم ضمها الي صدره وقبل جبهتها ورفع يدها وقبلها من الداخل ثم وضعها على قلبه، وحشتيني
روضه : انتا بقى موحشتنيش لأنك كنت معايا طول الليل في الحلم
محمد : وكنت محترم بقى ولا قليل الادب
روضه بعد ان ضربت بقبضتها على صدره : يارخم
محمد : هههههههه مالك احمريتي لي كده
روضه : تؤ على فكره بقى انتا قليل الادب
محمد : عارف
روضه : بطل رخامه بقى
محمد : حاااضر، قوليلي بقى ايه اللي مصحيكي بدري
روضه : نفس اللي مصحيك
محمد : طيب انا شغلي هوا اللي صحاني بدري
روضه : مانا كمان شغلي اللي صحاني بدري
محمد بغضب : شغل ايه ده أن شاء الله
روضه بعد ان أمسكت الكرافته المعلقه بلياقه قميصه : بصفتي السيكرتيره الخاصه بمكتب معاليك لحد متشوفلك سكرتير علشان مخذقش عينك
محمد : هههههههه يابنت المجنونه
روضه وهي تتحدث عن صافي السكرتيره الخاصه بمكتب محمد : يالهوي بقى انت كنت مشغل دي سكرتيره، دي بتنور، دي كنت تحطها تنورلك المكتب بدل الابجوره دي
محمد : ههههههههه شفتي
روضه : شفت في عينك، انا احلي منها طبعا، تنكر
محمد : لا ياحبيبتي انتي اجمل وحده في الدنيا
روضه بعد ان مدت شفتيها للأمام : بحسب
محمد : بحبك
روضه : بعشقك
قاطعهم صوت طرقات على باب المكتب ودخول روز
روز : احم احم في شغل هنا مش وقت حب، يلا يا محمد كل الموظفين مستنيينك في القاعه
محمد : ماشي ياروز انا جاي حالا، ثم طبق يده ل روضه لتتعلق بها يلا بينا
تعلقت روضه بسرعه في يده : يلا بينا
دخل محمد قاعة الاجتماعات وبيده روضه فوقف الجميع لدخول محمد
محمد بعد ان أمرهم بالجلوس : صباح الخير جميعا
الجميع : صباح النور يافندم
محمد : مبدأيا كده قبل أي حاجه احب اعرفكم ب روضه هانم خطيبتي
أصبح الصوت يعلو من الجميع فمنهم من كان يقول نورتي ياروضه هانم ومنهم من كان يقدم التهاني الي ان رفع يده محمد ليسكت الجميع
محمد : انا جمعتكم هنا النهارده بناء على طلب روضه هانم علشان الفرع ده من الشركه هيكون كل الموظفين اللي فيه رجاله بس والستات او البنات عفوا كلهم هيروحو للفرع التاني عند روز هانم، وروز هتفهم كل واخد طبيعة شغله الجديد
صوفيا السيكرتيره : حتى انا يا فندم هروح هناك
روضه بانفعال : اه ياختي هتروحي هناك هو قال كل البنات تروح هناك وهنا الموظفين هيكونو رجاله بس
الجميع ومن ضمنهم محمد : ههههههههههه
انتبهت روضه لما فعلته وبدأت تخبئ ارتباكها بضحكة خجل ثم نظرت الي محمد الذي ينظر إليها بضحكه تملأ وجهه : ايه بتبصلي ليه كده
محمد : لا ولا حاجه أوامر سياتك يافندم
نظرت روضه للأسفل واحمرت وجنتيها ثم اكملت بارتباك واضح : طيب مش يلا بينا علشان عندنا معاد
محمد : يلا بينا ياروضه هانم
توجه محمد وروضه الي المصمم لفستان الزفاف الخاص بهم وبعد اختيار روضه للفستان توجه محمد ب روضه الي منزلها لايصالها قبل أن يتوجه الي الڨيلا الخاصه به
رواية مغتربه داخل قلبه الحلقه السادسه
